Azərbaycan News Agency

Pakistanın Baş naziri Şahbaz Şərif şagird və tələbələr üçün hazırlanmış “Baş nazirin Gənclər üçün Chromebook Proqramı”nı (PM Youth Chromebook Scheme) həyata keçirib.

Pakistanın xarici işlər naziri İshaq Dar məsələ ilə bağlı açıqlamasında proqram çərçivəsində ilk dəfə olaraq həm rəsmi təhsil müəssisələrində, həm də mədrəsələrdə təhsil alan şagird və tələbələrə cihazların paylanacağını bildirib.

Dar proqram çərçivəsində hər il 250 min şagird və tələbəyə Chromebook veriləcəyini və iki il ərzində bu sayın 500 minə çatdırılmasının hədəfləndiyini qeyd edib. Mədrəsə tələbələrinin də proqrama daxil edilməsini dəyərləndirən Dar bunun hər bir uşağın müasir texnoloji vasitələrə çıxış hüququna malik olduğunu göstərən tarixi milli konsensus olduğunu vurğulayıb.