Azərbaycan News Agency

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Sani ilə Birləşmiş Ərəb Əmirliklərinin xarici işlər naziri Şeyx Abdullah bin Zayed Al Nəhyan telefonla danışıblar.

Danışıq zamanı iki ölkə arasında əməkdaşlıq münasibətləri və bu əlaqələrin inkişaf etdirilməsi və gücləndirilməsi yolları müzakirə olunub. Həmçinin regiondakı son hadisələr, xüsusilə gərginliyin azaldılmasına, regional təhlükəsizliyin və sabitliyin möhkəmləndirilməsinə yönəlmiş diplomatik təşəbbüslər və birgə koordinasiya məsələləri nəzərdən keçirilib.

Nazir Al Sani Qətərin dəniz nəqliyyatının sərbəstliyini təmin edəcək və regionda davamlı sülhün bərqərar olunmasına xidmət edən razılaşmaya yol açacaq bütün diplomatik təşəbbüs və səyləri dəstəklədiyini bildirib.