Azərbaycan News Agency

Ukrayna Prezidenti Volodimir Zelenski təhlükəsizlik zəmanətləri ilə bağlı Brüsseldə keçiriləcək görüşdə Aİ, NATO və ABŞ nümayəndələrinin bir araya gəlməsinin vacibliyini vurğulayıb.

Rusiyanın yenidən hücum edəcəyi təqdirdə hansı tərəfin, nə vaxt və hansı vasitələrlə cavab verəcəyinin dəqiq müəyyənləşdirilməsinin zəruriliyini vurğulayan Zelenski 10–11 noyabr tarixlərində Birləşmiş Ərəb Əmirliklərində keçiriləcək danışıqlardan əvvəl bu məsələlərə aydınlıq gətirilməsini istəyib.

ABŞ ilə münasibətlərə də toxunan Zelenski Vaşinqtondakı yeni siyasi qüvvələr balansına uyğunlaşaraq hər iki partiyanın dəstəyini gücləndirməyin vacib olduğunu bildirib. Müharibə davam etdiyi müddətdə Ukraynanın müdafiə qabiliyyətini artırmalı olduğunu vurğulayan Zelenski əvvəlki razılaşma və qərarlar çərçivəsində Ukraynaya ayrılmış, lakin hələ də təqdim edilməmiş 16 milyard dollarlıq ABŞ yardımının yenidən gündəmə gətirilməli olduğunu deyib. Zelenski Ukraynanın həmin vəsaitləri əldə etmək üçün mübarizə aparmalı olduğunu vurğulayıb.