Azərbaycan News Agency

Zelenski sosial media hesabında paylaşdığı açıqlamada Sançeslə uzunmüddətli görüş keçirdiyini bildirib. O, görüş zamanı Rusiyanın Ukraynaya qarşı hücumları ilə yanaşı, İspaniyanın təqdim etdiyi 447 milyon avroluq hərbi yardım paketinin məzmununu və prioritet müdafiə ehtiyaclarını qiymətləndirdiklərini qeyd edib.

Rusiyanın enerji infrastrukturuna hücumlarının davam etdiyini bildirən Zelenski Kiyev, Dnipro və Jitomir başda olmaqla bir çox şəhərdə elektrik enerjisi və su təchizatında fasilələr yarandığını açıqlayıb. Zelenski İspaniyanın dəstəyinə görə Sançesə təşəkkür edib və Toledoda baş vermiş qatar qəzasında həyatını itirənlərlə bağlı başsağlığı diləklərini də çatdırıb.