Azərbaycan News Agency

İsrailin Baş naziri Netanyahu hökumət iclasında ölkənin şimal sərhədində aparılan əməliyyatlar barədə məlumat verib.

Netanyahu deyib: “Dünən Livanda, təhlükəsizlik zonasında, qüvvələrimizlə birlikdə idim. Möhtəşəm ehtiyat əsgərlərimiz və cəsur komandirlərimizlə birlikdə inanılmaz iş görürlər.”

Netanyahu iddia edib ki, İsrail Müdafiə Qüvvələri sərhəd xəttində “düşmən ünsürləri geri çəkib” və yaradılmış təhlükəsizlik zonasının hücum təhdidlərini azaltmağa xidmət etdiyini bildirib.

O, həmçinin Livanın cənubundakı toqquşmalara toxunaraq, xüsusilə Bint Cbeyl ətrafında əməliyyatların davam etdiyini qeyd edib.

Netanyahu ABŞ ilə aparılan təmaslara da toxunaraq, ABŞ-ın vitse-prezidenti JD Vance ilə görüşündə İranla aparılan danışıqların gedişi barədə məlumat aldığını bildirib.

İrana dair sərt mesajlar verən Netanyahu vurğulayıb ki, “İrana heç bir halda uranın zənginləşdirilməsinə icazə verilməməlidir” və bu məsələdə ABŞ ilə sıx koordinasiya etdiklərini qeyd edib.

O, həmçinin İsrailin təhlükəsizlik imkanlarına toxunaraq bildirib ki, ölkə “bu gün daha güclü mövqedədir” və əlavə edib: “İsrail dövləti bu gün gücünün zirvəsindədir.”

Netanyahu çıxışının sonunda Holokost anım tədbirlərinə də toxunaraq, İsrailin təhlükəsizlik siyasətinin “belə bir fəlakətin bir daha baş verməməsi” məqsədi daşıdığını bildirib.