Azərbaycan News Agency

Böyük Britaniyanın Baş naziri Keir Starmer dənizçilik azadlığının qlobal iqtisadiyyata təsirinə toxunub.

Mövcud vəziyyətin iqtisadi təsirlərini dəyərləndirən Starmer deyib: “Hörmüz boğazının davam edən bağlanması son dərəcə zərərlidir. Qlobal gəmiçiliyin yenidən canlanması yaşayış xərcləri ilə bağlı təzyiqlərin azaldılması üçün həyati əhəmiyyət daşıyır.”

Beynəlxalq koalisiyaya və planlaşdırılan diplomatik addımlara diqqət çəkən Starmer bildirib: “Böyük Britaniya dənizçilik azadlığını bərpa etmək məqsədimizi bölüşən 40-dan çox ölkəni bir araya gətirib.”

Starmer əlavə edib: “Bu həftə Böyük Britaniya və Fransa münaqişə başa çatdıqda beynəlxalq gəmiçiliyi qorumaq üçün koordinasiyalı, müstəqil, çoxmillətli plan üzərində işi irəlilətmək məqsədilə birgə zirvəyə ev sahibliyi edəcək.”