Azərbaycan News Agency

İsrailin xarici işlər naziri Gideon Saar İtaliyanın Baş nazirinin müavini və xarici işlər naziri Antonio Tajani ilə telefon danışığı aparıb.

Danışığın məzmununu dəyərləndirən İsrailin xarici işlər naziri Gideon Saar deyib: “Onun Livana səfərindən əvvəl, sabah başlaması gözlənilən İsrail ilə Livan arasındakı dialoqu müzakirə etdik. Dedim ki, İranla Livan arasındakı bağın qırılması vacibdir.”

Regional aktorların təsirinə və hərbi vəziyyətə diqqət çəkən Saar bildirib: “İran Hizbullah vasitəsilə Livanı faktiki olaraq nəzarətdə saxlayır. Hizbullahın İsrailə hücumu Livanın deyil, İranın maraqlarına xidmət edib. İsrail Müdafiə Qüvvələrinin Livandakı əməliyyatı Hizbullahı və dolayısıyla İranın Livan üzərindəki hakimiyyətini zəiflədir.”

Saar açıqlamasını mülki infrastrukturun hərbi məqsədlərlə istifadə olunmasına dair həmkarlarını məlumatlandırdığını bildirərək belə yekunlaşdırıb: “Həmkarlarımı Bint Cbeyldəki xəstəxanada aşkar edilən silahlar barədə məlumatlandırdım; bu, Hizbullahın mülki infrastrukturu cinayət məqsədləri üçün istifadə etdiyini göstərir.”