Azərbaycan News Agency

İsrailin Baş naziri Benyamin Netanyahu sahibkar Elon Mask ilə videokonfrans keçirdiklərini, görüşdə Nəqliyyat naziri Miri Regev və Milli Süni İntellekt Mərkəzinin rəhbəri Erez Eskelin də iştirak etdiyini bildirib.

Netanyahu görüş çərçivəsində Maskın mart ayında keçiriləcək ağıllı nəqliyyat konfransında iştirak dəvətini qəbul etdiyini açıqlayıb.

Netanyahu deyib: “Mask mənim və Nəqliyyat naziri Miri Regevin dəvətini qəbul etdi”.

Görüşdə Tesla ilə mövcud əməkdaşlıqların müzakirə edildiyini qeyd edən Netanyahu əlavə edib: “Tesla ilə davam edən əməkdaşlıqları və avtonom nəqliyyat vasitələri ilə bağlı hüquqi tənzimləmələri də müzakirə etdik”.

Netanyahu açıqlamasını belə yekunlaşdırıb: “Kibertəhlükəsizlik və digər texnologiyalarda etdiyimiz kimi, İsraili süni intellekt sahəsində də dünya liderinə çevirməyi hədəfləyirik”.