Azərbaycan News Agency

Ukraynanın Milli Təhlükəsizlik və Müdafiə Şurasının katibi Rustem Umerov Ukraynaya səfəri zamanı ABŞ Prezidenti Donald Trampın xüsusi nümayəndəsi Stiv Uitkoff ilə görüşdüklərini, görüşdə Ukrayna Prezidenti Volodimir Zelenskinin də iştirak etdiyini bildirdi.

Görüşdən sonra açıqlama verən Umerov təmasların əhəmiyyətinə diqqət çəkərək dedi: “Əsas məsələ daha çox təmasın olması və növbəti addımların koordinasiyasıdır”.

İşlərin intensiv və əhatəli şəkildə davam etdiyini vurğulayan Umerov əlavə etdi: “Demək olar ki, hər gün məsləhətləşmələri davam etdirir və sənədlərdəki maddələr üzərində işləyirik”.

Umerov həmçinin Avropa ölkələrinin milli təhlükəsizlik üzrə müşavirləri ilə daim əlaqədə olduqlarını vurğulayaraq, yaxın gələcəkdə keçiriləcək yeni görüşlər barədə razılığa gəlindiyini qeyd etdi.

Açıqlamasında ABŞ tərəfinə də təşəkkür edən Umerov dedi: “Konstruktiv əməkdaşlığınıza görə təşəkkür edirik. Amerika komandasının göstərdiyi intensiv işə görə təşəkkürlər, cənab Prezident Donald Tramp”.