Azərbaycan News Agency

Belçikanın Baş nazirinin müavini və xarici işlər naziri Maksim Prevo Cənubi Afrikanın xarici işlər naziri Ronald Lamola ilə görüşü barədə açıqlama verib.

Beynəlxalq nizamın mövcud vəziyyətinə diqqət çəkən Prevo bildirib: “Davosda Cənubi Afrikalı həmkarımla yaxşı söhbət apardım. Dünyanın diplomatik kompası dönür. Çoxtərəflilik hər tərəfdən təzyiq altındadır. Vaxtilə beynəlxalq nizamın əsas sütunu olan BMT Nizamnaməsi bu gün indiyədək olmadığı qədər sınaqdan keçirilir. Cənubi Afrika və Belçika beynəlxalq hüququn seçim məsələsi olmadığı barədə həmfikirdir.”

Qlobal böhranlarla bağlı ortaq mövqeni vurğulayan Prevo əlavə edib: “İstər Qəzzada hesabatlılığın dəstəklənməsi, istərsə də Ukraynanın ərazi bütövlüyünün müdafiəsi olsun, əsas məsələlərdə eyni mövqedəyik. Həmçinin insanların əziyyət çəkməyə davam etdiyi Konqo Demokratik Respublikasının şərqindəki davam edən böhranı müzakirə etdik. M23 qüvvələri geri çəkilməlidir və humanitar yardıma çıxış yaxşılaşdırılmalıdır.”

Sudandakı vəziyyətə də toxunan Prevo deyib: “Dünyanın ən ağır humanitar və səhiyyə böhranlarından birinin yaşandığı Sudandan danışdıq. Gözümüzü yuma bilmərik. Təcili tədbirlər görülməlidir.”

İkitərəfli münasibətlərə dair gözləntilərini bölüşən Prevo bildirib: “Bu böhranlardan kənarda, ikitərəfli münasibətlərimiz getdikcə möhkəmlənir. Əlaqələrimizi gücləndirmək və iqtisadi tərəfdaşlığımızı inkişaf etdirmək üçün bu ilin sonlarında Pretoriyada keçiriləcək altıncı birgə komissiyanı səbirsizliklə gözləyirik.”