Azərbaycan News Agency

Qazaxıstanın xarici işlər naziri Yermek Koşerbayev səlahiyyət müddətinin başa çatması münasibətilə Omanın Astanadakı səfiri Mohammed Əl-Bahranini qəbul edib.

Qazaxıstan Xarici İşlər Nazirliyinin yaydığı məlumata görə, görüşdə Qazaxıstan ilə Oman arasındakı ikitərəfli münasibətlər müzakirə olunub.

Koşerbayev iki ölkə arasında əməkdaşlığın mövcud səviyyəsini məmnunluqla qiymətləndirdiklərini bildirərək, qarşılıqlı faydaya əsaslanan tərəfdaşlığın möhkəmləndirilməsinə verdiyi töhfələrə görə Əl-Bahraniyə təşəkkür edib.

Səfir Əl-Bahrani isə Qazaxıstandakı fəaliyyəti dövründə qazandığı təcrübədən məmnunluğunu ifadə edərək, iki ölkə arasında dostluq və qarşılıqlı anlaşma əsasında ikitərəfli və çoxtərəfli əməkdaşlığın inkişaf etməyə davam edəcəyinə inandığını bildirib.

Əl-Bahrani həmçinin Qazaxıstan Prezidenti Kasım-Jomart Tokayevin Astana ilə Məsqət arasında münasibətlərin inkişafına verdiyi töhfələri və regional münaqişələrin həllinə yönəlmiş sülh təşəbbüslərini yüksək qiymətləndirib.