Azərbaycan News Agency

ÜST baş direktoru Qebreyesus İstanbulda keçirilən 3-cü Ənənəvi və Tamamlayıcı Tibb Konqresində çıxış edib və Türkiyənin ənənəvi tibb sahəsindəki fəaliyyəti barədə açıqlama verib.

Qebreyesus bildirib ki, Türkiyənin ənənəvi tibb tarixi əsrlərə dayanır və son yüz ildə hicama və zəli müalicəsi kimi metodlar tənzimləmələr çərçivəsində xəstəxana xidmətlərinə daxil edilib.

O vurğulayıb ki, Ümumdünya Səhiyyə Təşkilatı elmi sübutlara əsaslanan ənənəvi və tamamlayıcı tibb təcrübələrinin səhiyyə sistemlərinə inteqrasiyasını dəstəkləyir.

Açıqlamasında Qebreyesus həmçinin Türkiyə Respublikasının birinci xanımı Əminə Ərdoğana ənənəvi tibb sahəsindəki işlərinə görə və Türkiyənin səhiyyə naziri Kemal Memişoğluna fəaliyyətlərinə görə təşəkkür edib.