Azərbaycan News Agency

BMT-nin Baş katibi Antonio Quterreş Ümumdünya Sunami Maarifləndirmə Günü münasibətilə sosial media hesabında paylaşdığı açıqlamada sunami fəlakətlərinə hazırlığın və beynəlxalq əməkdaşlığın əhəmiyyətinə diqqət çəkib.

Sunamilərin ən ölümcül təbii fəlakətlərdən biri olduğunu bildirən Quterreş hazırlıq və əməkdaşlıq sayəsində bu fəlakətlərin səbəb ola biləcəyi itkilərin qarşısının alına biləcəyini vurğulayıb.

Quterreş cəmiyyətlərin fəlakətlərə qarşı dayanıqlığını artırmaq üçün birgə fəaliyyətin vacibliyini qeyd edərək dalğalar sahillərə çatdıqda insanların həyatını xilas etmək məqsədilə sunamilərə hazır olmağa çağırıb.