Azərbaycan News Agency

Rusiyanın İstintaq Komitəsinin rəsmi sözçüsü Svetlana Petrenko bildirib ki, Moskvanın cənubunda baş verən hadisədə həlak olan şəxs Rusiya Silahlı Qüvvələrinin Baş Qərargahının Operativ Hazırlıq İdarəsinin rəisi, general-leytenant Fanil Sarvarovdur.

Açıqlamada deyilir: “İstintaqa görə, 22 dekabr səhəri Moskvada Yasenevaya küçəsində bir avtomobilin altına yerləşdirilmiş partlayıcı qurğu işə düşüb. Rusiya Silahlı Qüvvələrinin Baş Qərargahının Operativ Hazırlıq İdarəsinin rəisi general-leytenant Fanil Sarvarov aldığı xəsarətlər nəticəsində vəfat edib.”

Rusiya İstintaq Komitəsi daha əvvəl Moskvanın cənubundakı hadisədə bir nəfərin yaralandığını, bir avtomobilin zədələndiyini və istintaqa başlanıldığını bildirmişdi.

Açıqlamaya görə, general Sarvarovun öldürülməsi Ukraynanın xüsusi xidmət orqanları ilə əlaqəlidir.