Azərbaycan News Agency

Özbəkistanın xarici işlər naziri Baxtiyor Saidov Qırğızıstanın xarici işlər naziri Jeenbek Kulubayev ilə görüşüb.

Saidov görüşlə bağlı açıqlamasında deyib: "Özbəkistan ilə Qırğızıstan arasında dostluq, mehriban qonşuluq, strateji tərəfdaşlıq və müttəfiqlik münasibətlərinin yeni səviyyəyə yüksəlməsindən məmnunuq."

Saidov bildirib ki, görüşdə ən yüksək səviyyədə əldə olunan razılaşmaların səmərəli icrasına xüsusi önəm verilib. "Birləşmiş Millətlər Təşkilatı, Şanxay Əməkdaşlıq Təşkilatı, Türk Dövlətləri Təşkilatı, Qoşulmama Hərəkatı və digər çoxtərəfli platformalarda praktiki əməkdaşlığı daha da gücləndirməyə hazır olduğumuzu bir daha təsdiqlədik", - deyə o əlavə edib.

Saidov həmçinin yaxınlaşan səfərlərin və müxtəlif səviyyələrdə keçiriləcək birgə tədbirlərin təqvimini də nəzərdən keçirdiklərini bildirib.