Azərbaycan News Agency

Özbəkistanın xarici işlər naziri Baxtiyor Saidov qazax həmkarı Yermek Koşerbayevin Daşkəndə səfəri çərçivəsində keçirilən nümayəndə heyətləri arasında görüşlər və imzalanma mərasimi barədə açıqlama verib.

İki ölkə arasında diplomatik münasibətlərin qızıl dövrünü yaşadığını vurğulayan Saidov bildirib: “Son illərdə prezidentlərimizin siyasi iradəsi sayəsində qarşılıqlı əməkdaşlığımız misilsiz səviyyəyə çatıb. Qazax qardaşlarımızı Özbəkistan torpağında görməkdən məmnunuq.”

Danışıqların məhsuldar keçdiyini qeyd edən Saidov deyib: “Bugünkü görüşlərimiz mənalı və praktiki ruhda baş tutdu. Xüsusilə, Özbəkistan və Qazaxıstan Xarici İşlər Nazirlikləri arasında 2026-2027-ci illər üçün birgə əməkdaşlıq proqramı imzaladıq.”

İqtisadi və logistika hədəflərinə diqqət çəkən Saidov bildirib: “Münasibətlərimizin sürətli inkişafı ticarət, iqtisadiyyat, nəqliyyat və logistika sahələrində əməkdaşlığın daha da genişləndirilməsi üçün böyük potensial yaradır.”