Azərbaycan News Agency

Ukraynanın xarici işlər naziri Andriy Sıbiha Baltik Dənizi Dövlətləri Şurasının Nazirlər Toplantısında Avropanın təhlükəsizlik arxitekturası ilə bağlı fikirlərini bölüşüb.

Ukrayna Xarici İşlər Nazirliyi sosial media hesabında etdiyi paylaşımda Sıbihanın “Rusiya Avropa təhlükəsizliyinin qarantı deyil və ola da bilməz” sözlərinə yer verib.

Sıbiha Avropanın təhlükəsizlik modelinin Rusiya ilə təsir dairələri məsələsində əməkdaşlığa deyil, Rusiyadan qaynaqlanan təhdidlərə qarşı etibarlı müdafiəyə əsaslanmalı olduğunu vurğulayıb. O, yeni Yalta və ya Münhen sazişinə yol verilməyəcəyini bildirib.

Varşavada keçirilən toplantıda iştirakı ilə bağlı paylaşımında isə Sıbiha Ukrayna olmadan Ukrayna haqqında, Avropa olmadan isə Avropanın təhlükəsizliyi haqqında qərar qəbul edilə bilməyəcəyini qeyd edib.