Azərbaycan News Agency

Ukraynanın xarici işlər naziri Andrey Sıbiha Norveçin Baş naziri Yonas Qar Störe ilə görüşüb. Sıbiha Norveçin təhlükəsizlik, enerji və yenidənqurma sahələrində Ukraynanın ən yaxın müttəfiqlərindən biri olduğunu bildirib.

Qış mövsümünün başlaması ilə Rusiyanın Ukraynanın elektrik şəbəkəsinə hücumlarını artırdığına diqqət çəkən Sıbiha Norveçin enerji sisteminə göstərdiyi dəstəyin məhz bu vaxtda xüsusi əhəmiyyət daşıdığını vurğulayaraq, həmrəyliyə görə təşəkkür edib.

Görüşdə cəbhədəki vəziyyətin və diplomatik səylərin də müzakirə olunduğunu bildirən Sıbiha Norveçin Baş naziri Störenin sülh səylərində şəxsi iştirakını yüksək qiymətləndirdiklərini qeyd edib.