Azərbaycan News Agency

Ukraynanın xarici işlər naziri Andriy Sıbiha açıqlamasında Prezident Volodimir Zelenskinin rəhbərlik etdiyi nümayəndə heyətinin tərkibində İstanbulda olduğunu bildirib.

Sıbiha danışıqların gündəliyinə Ukraynanın təhlükəsizliyinin gücləndirilməsi, Türkiyə ilə strateji tərəfdaşlığın dərinləşdirilməsi və davamlı sülhə nail olmaq istiqamətində diplomatik səylərin irəlilədilməsinin daxil olduğunu qeyd edib. O, Qara dənizin təhlükəsizliyi və gəmiçilik azadlığının da prioritet məsələlər arasında olduğunu vurğulayıb.

Sıbiha Türkiyənin Ukrayna üçün mühüm tərəfdaş olduğunu vurğulayaraq, ortaq regional problemlərin həllində Türkiyənin rolunu yüksək qiymətləndirdiklərini bildirib.