Azərbaycan News Agency

Ukrayna Prezidenti Volodimir Zelenski açıqlamasında Prezident Rəcəb Tayyib Ərdoğanla danışıqlar aparmaq üçün onu müşayiət edən nümayəndə heyəti ilə birlikdə İstanbula gəldiyini bildirib.

Zelenski danışıqlar zamanı Ukrayna xalqının təhlükəsizliyinin gücləndirilməsi, Türkiyə ilə ikitərəfli tərəfdaşlığın inkişaf etdirilməsi və diplomatik həll imkanlarının müzakirə olunacağını qeyd edib. O, Qara dənizdə dəniz daşımaları ilə bağlı mühüm məsələlərin də gündəmdə olacağını vurğulayıb.

Zelenski həmçinin İstanbul səfəri çərçivəsində Ekumenik Patriarx Varfolomey ilə görüşünün planlaşdırıldığını bildirib. O, Ukraynaya dəstək verən hər kəsə təşəkkür edib.