Azərbaycan News Agency

Monteneqronun Baş naziri Miloyko Spayiç Bokokotorska körfəzində həyata keçirilən dəniz və sualtı təmizləmə işləri ilə bağlı açıqlama verib.

Spayiç bildirib ki, Avropa İttifaqı Nümayəndəliyi və Aİ komissarı Marta Kosun dəstəyi ilə təşkil olunan tədbir indiyədək bölgədə keçirilmiş ən genişmiqyaslı dəniz təmizləmə aksiyası olub.

O qeyd edib ki, tədbirdə təxminən 500 dalğıc, tələbə, könüllü, qurum nümayəndəsi, vətəndaş cəmiyyəti təşkilatları və yerli icmaların üzvləri iştirak edib. Spayiç əlavə edib ki, Bokokotorska körfəzi Natura 2000 şəbəkəsinə daxil edilməsi təklif olunan ərazilərdən biridir.

Spayiç vurğulayıb ki, körfəzdə mühafizə olunan yaşayış mühitləri və təbii abidələr mövcuddur və onların qorunması hər kəsin ortaq məsuliyyətidir.