Azərbaycan News Agency

Pakistan Xarici İşlər Nazirliyi bildirib ki, BMT Baş katibliyinə namizəd Maki Sall və Qvineya-Bisau Respublikasının keçmiş prezidenti Umaro Sissoko Embalo Pakistanın baş nazirinin müavini və xarici işlər naziri Məhəmməd İshaq Dar ilə görüşüblər.

Nazirliyin açıqlamasına görə, Dar görüş zamanı Pakistanın çoxtərəfliliyə sadiqliyini və Birləşmiş Millətlər Təşkilatının qlobal sistemdəki mərkəzi roluna dəstəyini bir daha təsdiqləyib.

Dar bildirib ki, qlobal sülh və təhlükəsizliyin təmin olunması üçün BMT Nizamnaməsinin məqsəd və prinsiplərinə əməl edilməli, beynəlxalq hüquqa və beynəlxalq müqavilələrə hörmət göstərilməli, xüsusilə Fələstin və Cammu və Kəşmirlə bağlı BMT Təhlükəsizlik Şurasının qətnamələri tam şəkildə icra olunmalıdır.

Nazirlik həmçinin qeyd edib ki, Dar gələcək BMT Baş katibinin rəhbərliyi altında Birləşmiş Millətlər Təşkilatının yaranan qlobal problemlərə uyğunlaşmağa davam edəcəyinə və qlobal inkişaf gündəliyini irəli aparacağına ümid etdiyini ifadə edib.