Azərbaycan News Agency

Suriyanın Xarici İşlər və Xaricdə Yaşayan Vətəndaşlar Naziri Əsəd Həsən Əl-Şeybani Yaponiyanın xarici işlər nazirinin müavini və Yaxın Şərq və Afrika Bürosunun baş direktoru Kiyiçi İvamotonu Dəməşqdə qəbul edib.

Suriya Xarici İşlər Nazirliyinin açıqlamasına görə, görüşdə iki ölkə arasında ikitərəfli münasibətlərin inkişafı müzakirə olunub, həmçinin yenidənqurma və investisiya sahələrində əməkdaşlıq imkanları dəyərləndirilib.

Tərəflər Suriyanın yenidən qurulması prosesi ilə bağlı fikir mübadiləsi apararaq, ölkənin birliyi və sabitliyinə dəstəyin vacibliyini vurğulayıblar.

Açıqlamada Suriyanın birliyi və sabitliyinə dəstəyin bir daha təsdiqləndiyi bildirilib.