Azərbaycan News Agency

İtaliyanın Baş nazirinin müavini və xarici işlər naziri Antonio Tajani Bolonyada Abderrahim Fakirin ölümündən sonra baş verən hadisələrlə bağlı açıqlama verib.

Tajani bildirib: "Abderrahim Fakirin ölümünə səbəb olan şərait məhkəmə tərəfindən aydınlaşdırılmalıdır. Lakin həqiqətə və istintaqı aparanların əməyinə hörmət naminə hadisənin bütün tərəfləri aydınlaşmadan dövlətə və təhlükəsizlik qüvvələrinə qarşı nifrətin qızışdırılması yolverilməzdir."

Müxalifətin etiraz çağırışlarını "məsuliyyətsizlik" adlandıran Tajani deyib: "Hadisələrin zorakılığa çevriləcəyinin məlum olmasına baxmayaraq vətəndaşları küçələrə çağırmaq utancvericidir. Bolonya kimi bir şəhəri yandırmaq isə cinayətdir."

Tajani həmçinin hadisələr zamanı yaralanan təhlükəsizlik qüvvələrinə və "vətəndaşların təhlükəsizliyini təmin etmək üçün hər gün həyatlarını riskə atan dövlət qulluqçularına" həmrəylik mesajı çatdırıb.