Azərbaycan News Agency

ABŞ Prezidenti Donald Tramp Yaxın Şərqdə aparılan hərbi əməliyyatlar və NATO müttəfiqlərinin mövqeyi ilə bağlı açıqlama verib.

Tramp NATO müttəfiqlərindən əməliyyat dəstəyindən məhrum olduqlarını bildirərək deyib: "ABŞ öyrəndi ki, NATO-dakı 'müttəfiqlərimizin' əksəriyyəti Yaxın Şərqdə terrorçu İran rejiminə qarşı apardığımız hərbi əməliyyata qoşulmaq istəmir. Bu, demək olar ki, bütün ölkələrin gördüyümüz işlə güclü şəkildə razılaşmasına baxmayaraq baş verdi."

NATO-nu "tək tərəfli yol" adlandıran Tramp bildirib ki, ABŞ bu ölkələri qorumaq üçün yüz milyardlarla dollar xərcləyib, lakin ehtiyac zamanı qarşılıq görməyib.

İrana qarşı əməliyyatın nəticələrini açıqlayan Prezident Tramp deyib: "Xoşbəxtlikdən İran ordusunu tamamilə məhv etdik; onların donanması, hava qüvvələri, hava hücumundan müdafiə və radar sistemləri yox edildi. Demək olar ki, bütün səviyyələrdə liderlər aradan götürüldü. Onlar artıq bizi və ya dünyanı heç vaxt təhdid edə bilməyəcəklər."

Əldə olunan hərbi uğurlar səbəbilə xarici dəstəyə ehtiyac olmadığını vurğulayan Tramp əlavə edib: "Artıq NATO ölkələrinin köməyinə 'ehtiyacımız' yoxdur və bunu heç vaxt istəməmişik! Eyni hal Yaponiya, Avstraliya və ya Cənubi Koreya üçün də keçərlidir. Dünyanın ən güclü ölkəsi olan ABŞ-ın Prezidenti kimi deyirəm: heç kimin köməyinə ehtiyacımız yoxdur."