Azərbaycan News Agency

ABŞ Prezidenti Donald Tramp Yaxın Şərqdə gərginliyin azaldılmasına yönəlmiş İranla yüksək səviyyəli görüşlər barədə açıqlama verib.

Danışıqların gedişatından məmnunluğunu ifadə edən Tramp bildirib: "Məmnuniyyətlə bildirirəm ki, son iki gün ərzində ABŞ və İran Yaxın Şərqdəki düşmənçiliyimizin tam və qəti həllinə dair çox yaxşı və səmərəli danışıqlar aparıb".

Görüşlərin məzmunu və hərbi əməliyyatlara təsirinə toxunan Tramp əlavə edib: "Bu dərin, ətraflı və konstruktiv danışıqların mühiti və tonuna əsaslanaraq və davam edən görüşlərin uğurundan asılı olaraq, Müdafiə Nazirliyinə İranın enerji stansiyaları və enerji infrastrukturuna qarşı bütün hərbi hücumların beş gün müddətinə təxirə salınması barədə göstəriş verdim".