Azərbaycan News Agency

ABŞ Prezidenti Donald Tramp sosial media hesabında Hörmüz boğazı ilə bağlı açıqlamalar verib.

Tramp bildirib: “Blokadamıza yaxınlaşan gəmilər dərhal məhv ediləcək.”

CCTV-nin məlumatına görə, ABŞ Mərkəzi Komandanlığı İran limanlarına daxil olan və çıxan dəniz nəqliyyatına qarşı blokada tətbiq olunacağını elan edib.

Açıqlamada bildirilib ki, tədbir Fars körfəzi və Oman dənizindəki İran limanlarını əhatə edir.

Məlumata görə, İsrailin Baş naziri Benyamin Netanyahu da kabinet iclasında ABŞ-ın dəniz blokadasını dəstəklədiyini bildirib.

İranın müdafiə nazirinin müavini Seyyid Məcid İbn ər-Riza ölkəsinin ən yüksək hazırlıq vəziyyətində olduğunu qeyd edib.

O əlavə edib ki, mümkün hücuma güclü cavab veriləcək.

İran rəsmiləri ABŞ-ın Hörmüz boğazı və Oman dənizinə hərbi müdaxilə cəhdlərinin uğursuz olacağını bildirib.