Azərbaycan News Agency

ABŞ Prezidenti Donald Tramp xatırladıb ki, İran Yaxın Şərqdəki qonşularından üzr istəyib və artıq onlara atəş açmayacağına söz verib.

Tramp bildirib ki, İran bu addımı ABŞ və İsrail tərəfindən həyata keçirilən hücumlardan sonra atıb: “Bu söz yalnız ABŞ və İsrailin fasiləsiz hücumları səbəbilə verildi. Onlar Yaxın Şərqi ələ keçirmək və idarə etmək istəyirdilər. Bu, İranın minlərlə il ərzində ilk dəfə ətrafındakı Yaxın Şərq ölkələrinə qarşı məğlub olduğu bir vəziyyətdir.”

Tramp həmçinin İranın bölgədəki təsirinin zəiflədiyini iddia edərək deyib: “İran artıq ‘Yaxın Şərqin kabadayısı’ deyil, ‘Yaxın Şərqin məğlubudur’ və təslim olana və ya daha böyük ehtimalla tamamilə çökənə qədər onilliklər boyu belə qalacaq.”

ABŞ Prezidenti əlavə edib ki, İrana qarşı hərbi təzyiq davam edə bilər: “Bu gün İran çox sərt şəkildə vurulacaq. İranın pis davranışları səbəbilə indiyədək hədəf kimi düşünülməyən bəzi bölgələr və qruplar indi tam məhv edilmə və qəti ölüm ehtimalı ilə ciddi şəkildə nəzərdən keçirilir.”