Azərbaycan News Agency

ABŞ Prezidenti Tramp İranın media manipulyasiyası və süni intellekt dəstəkli dezinformasiya kampaniyaları həyata keçirdiyini irəli sürüb.

İranın süni intellektdən istifadə edərək saxta görüntülər hazırladığını deyən Tramp bildirib: “Onlar hərbi baxımdan zəif ola bilərlər, lakin saxta xəbər mediasına yanlış məlumatlar ötürməkdə olduqca bacarıqlıdırlar. Dənizdə gəmilərə atəş açan guya kamikadze qayıqlarını göstərdilər. Görüntülər güclü görünür, amma bu qayıqlar əslində mövcud deyil.”

Tramp həmçinin bəzi media qurumlarının ABŞ-a məxsus təyyarələrin vurulduğu barədə yanlış xəbərlər yaydığını iddia edərək əlavə edib: “Vurulduğu və ciddi zədələndiyi deyilən ABŞ yanacaq doldurma təyyarələri hələ də xidmətdədir.”

Bəzi media qurumlarının yayım lisenziyalarının araşdırılmasını dəstəklədiyini bildirən Tramp deyib: “Bu təşkilatlar Amerika yayım tezliklərindən istifadə edərək yalanları yaymağa davam edir.”