Azərbaycan News Agency

ABŞ Prezidenti Donald Tramp Dələduzluq barədə məlumat verənlərin təşviqi proqramını elan edib. Proqram çərçivəsində amerikalıların dövlət vəsaitlərinin korrupsiya və oğurluq yolu ilə sui-istifadə edildiyi halları bildirə biləcəkləri qeyd olunub.

Tramp proqramın əhatə dairəsi ilə bağlı açıqlamasında deyib: “Artıq bütün amerikalılar fraud.gov saytına daxil olaraq öz icmalarında vergi ödəyicilərinin vəsaitlərinin korrupsiya və oğurluq yolu ilə sui-istifadə edildiyi halları bildirə biləcəklər.”

Məlumatlar əsasında üzə çıxarılan məbləğə görə komissiya ödəniləcəyini bildirən Tramp deyib: “Tutaq ki, siz kiminsə barəsində məlumat verirsiniz və məsələn, 1 milyard dollarlıq qanunsuzluğu üzə çıxarırsınız. Biz həmin şəxsə 1 faiz komissiya verəcəyik. Bu, olduqca böyük məbləğdir.”

Tramp həmçinin Nik Şirlinin vergi ödəyicilərinin vəsaitlərinin sui-istifadəsinin qarşısını almağa yönəlmiş fəaliyyətinə toxunub. Şirlinin fəaliyyətinin siyasi baxımdan əhəmiyyət daşıdığını iddia edən Tramp deyib: “Nik Şirlinin vergi ödəyicilərinin vəsaitlərinin istismarının qarşısını almağa yönəlmiş səyləri Amerikanı Amerikaya nifrət edən şəxslərin idarə etdiyi üçüncü dünya ölkəsinə çevirmək istəyən radikal solun cəhdlərinə birbaşa təhdiddir.”