Azərbaycan News Agency

ABŞ Prezidenti Donald Tramp vitse-prezident Cey Di Vensin demokratların idarə etdiyi şəhər və ştatlardakı korrupsiya və cinayətkarlıq iddialarına diqqətini yönəltməsini istəyib.

Tramp sosial media hesabında paylaşdığı açıqlamada Minnesota, Kaliforniya və İllinoys kimi demokratların idarə etdiyi ştatları hədəf alaraq bu bölgələrdə genişmiqyaslı korrupsiya hallarının yaşandığını iddia edib.

Korrupsiya səbəbindən hər ay milyardlarla dolların oğurlandığını iddia edən Tramp bu fəaliyyətlərin qarşısının alınması ilə federal büdcənin balanslaşdırıla biləcəyini bildirib.

Tramp həmçinin İranla razılaşma əldə etməyə ehtiyac olmadığını bildirərək ABŞ-nin İrana məxsus vəsaitlərə və Hörmüz boğazına nəzarəti əlində saxladığını iddia edib.