Azərbaycan News Agency

Ukrayna Prezidenti Volodimir Zelenski Polşanın Baş naziri Donald Tusk ilə görüşərək Polşa xalqını Müstəqillik Günü münasibətilə təbrik edib və Ukraynanın müstəqilliyinə, eləcə də insan həyatının qorunmasına göstərdikləri dəstəyə görə minnətdarlığını bildirib.

Görüşdə diplomatiya, cəbhə xəttindəki son vəziyyət və Rusiya hücumları, həmçinin qışa hazırlıq və yanacaq tədarükünü artırmaq məqsədilə iki ölkə arasında nəqliyyat əlaqələrinin inkişaf etdirilməsi məsələləri müzakirə olunub. Zelenski bu addımların Ukraynanın enerji dayanıqlığının gücləndirilməsində mühüm rol oynayacağını vurğulayıb.

“Aİ-yə üzvlük təhlükəsizlik təminatlarından biridir”

Avropa məsələlərinin və Ukraynanın Avropa İttifaqına üzvlük prosesini sürətləndirəcək addımların da müzakirə edildiyi görüşdə Zelenski Aİ-yə üzvlüyü Ukrayna və bütün Avropa üçün mühüm təhlükəsizlik təminatı hesab etdiklərini bildirib. Ukrayna lideri, həmçinin ilk mərhələsi Polşada keçirilən “İstəklilər Koalisiyası” ölkələrinin hərbi təlim fəaliyyətlərinə başlanmasına görə Baş nazir Tuska təşəkkür edib. O, bu addımın gələcəkdə etibarlı təhlükəsizlik sisteminin qurulması üçün zəruri siqnal verdiyini qeyd edib.