Azərbaycan News Agency

Estoniyanın xarici işlər naziri Marqus Tsahkna Rusiyanın Ukraynaya hücumlarının davam etdiyini bildirərək, Ukraynaya hərbi dəstəyin zəiflədilməməsinə çağırıb.

Tsahkna Rusiyanın bir həftə ərzində Ukraynaya təxminən 4 min bomba, raket və pilotsuz uçuş aparatı göndərdiyini qeyd edib. O bildirib ki, diplomatik səylər davam etdiyi bir vaxtda Rusiya Ukraynadakı yaşayış evlərini, enerji infrastrukturunu və yardım göstərmək üçün hadisə yerinə gələn xilasetmə qruplarını hədəfə alır.

Rusiya Prezidenti Vladimir Putinin təcavüzünə son qoymağa hazır görünmədiyini vurğulayan Tsahkna deyib: “Rusiyaya təzyiqi artırmalı və Ukraynanın hava hücumundan müdafiəsini gücləndirməliyik. Ukraynaya hərbi dəstək zəifləməməlidir.”