Azərbaycan News Agency

Estoniyanın xarici işlər naziri Marqus Tsaxkna Ukrayna müharibəsi və sülh prosesi ilə bağlı açıqlama verib. O qeyd edib ki, Ukrayna və ABŞ sülhə doğru irəliləyir, lakin Rusiyanın sahədəki mövqeyi bu prosesi zəiflədir.

Rusiyanın Ukraynaya qarşı hücumlarını davam etdirdiyinə diqqət çəkən Tsaxkna deyib: “Lakin Rusiya Ukraynanı bombalamağa davam etməklə əsas məqsədlərindən imtina etmədiyini göstərir: Ukraynanın suverenliyini məhv etmək və Avropanın təhlükəsizlik arxitekturasını yenidən formalaşdırmaq.”

Daimi sülh üçün aydın yol xəritəsinin olduğunu vurğulayan Tsaxkna əlavə edib: “Rusiya ədalətli və davamlı sülhə həqiqətən hazır olduğunu göstərmədiyi müddətcə izləniləcək yol aydındır.”

Tsaxkna açıqlamasını belə yekunlaşdırıb: “Ukraynaya güclü mali və hərbi dəstək artırılmalı, təcavüzkara qarşı təzyiq gücləndirilməli və real hərbi imkanlarla dəstəklənən konkret təhlükəsizlik zəmanətləri təmin olunmalıdır.”