Azərbaycan News Agency

ÜST qlobal miqyasda yaşanan humanitar böhranlarda səhiyyə xidmətlərinin kritik rol oynadığını vurğulayaraq, 2025-ci ilə dair fövqəladə hal məlumatlarını paylaşıb.

Təşkilatın açıqlamasında qeyd olunub ki, fövqəladə halların ölçüləri fərqli olsa da, hər bir böhranın mərkəzində səhiyyə xidmətləri dayanır və səhiyyə infrastrukturu zəif olan bölgələrdə analar, uşaqlar və xəstələr həyati risklərlə üz-üzə qalırlar.

Bildirilib ki, “WHO Foundation” vasitəsilə təmin edilən dəstəklər sayəsində ÜST sahədə tibbi yardım göstərib, yerli səhiyyə qruplarını təlimləndirib və səhiyyə sistemlərinin yenidən fəaliyyətə başlamasına töhfə verib.

Açıqlamaya görə, ÜST 2025-ci il ərzində fövqəladə hallar yaşayan təxminən 30 milyon nəfərə çatıb. Səhiyyə qrupları 8 min 100-dən çox səhiyyə müəssisəsinin fəaliyyətini davam etdirməsini təmin edib. Həmçinin 1 370 mobil klinika sahəyə yerləşdirilib.

ÜST məlumatlarına əsasən, 47,3 milyon ilkin səhiyyə xidməti göstərilib, 1,7 milyon travma müalicəsi və 3,9 milyon psixi sağlamlıq məsləhəti təqdim olunub. Ən çətin çatılan bölgələrdə isə 5,3 milyon uşaq peyvənd edilib.

Dünya Səhiyyə Təşkilatı qlobal səhiyyə xidmətlərinin davamlılığını təmin etmək üçün beynəlxalq dəstəyin vacibliyini vurğulayaraq ianə çağırışı edib.