Azərbaycan News Agency

Valyuta bazarlarında ticarət günü ərzində ABŞ dolları əsas valyutalara qarşı qarışıq dinamika nümayiş etdirdi.

Avro/dollar məzənnəsi 0,05 faiz azalaraq 1,1430 səviyyəsinə enib, funt sterlinq/dollar məzənnəsi isə 0,07 faiz geriləyərək 1,3342 səviyyəsində ticarət olunub. Avstraliya dolları/ABŞ dolları məzənnəsi 0,10 faiz, Yeni Zelandiya dolları/ABŞ dolları məzənnəsi isə 0,40 faiz dəyər itirib.

Bununla yanaşı, ABŞ dolları Yaponiya yeninə qarşı 0,37 faiz bahalaşaraq 161,97 səviyyəsinə, Türkiyə lirəsinə qarşı isə 0,07 faiz artaraq 46,8174 səviyyəsinə yüksəlib. Dollar/İsveçrə frankı və dollar/Kanada dolları məzənnələri də müvafiq olaraq 0,15 və 0,07 faiz artım göstərib.

Digər tərəfdən, avro/Yaponiya yeni məzənnəsi 0,31 faiz, avro/funt sterlinq məzənnəsi isə 0,02 faiz yüksəlib.