Azərbaycan News Agency

Ukrayna Prezidenti Volodimir Zelenski Rusiyanın gecə ərzində həyata keçirdiyi raket və pilotsuz uçuş aparatı hücumları ilə bağlı açıqlama verib.

Hədəfə alınan bölgələri və istifadə olunan sursatları detallandıran Zelenski deyib: “Bu gecə Rusiya yaşayış məntəqələrimizə və enerji mənbələrimizə qarşı hücumlarını davam etdirdi. Dnipro, Jitomir, Zaporijya, Xarkiv və Xerson bölgələri hücum altında idi. Əsas hədəf xalqımızın normal həyatını təmin edən mühüm infrastruktur — enerji obyektləridir: isitmə, işıqlandırma.”

Müdafiə qüvvələrinə təşəkkür edən və beynəlxalq dəstək çağırışını yeniləyən Zelenski bildirib: “Rusiyanın hava hücumlarını gecə-gündüz dəf edən müdafiəçilərə təşəkkür edirik. İndi əsas prioritetimiz hava müdafiəmizi, ilk növbədə raket sistemlərimizi gücləndirməkdir.”

Zelenski hava müdafiəsinin tam gücə çatmasının strateji əhəmiyyətini vurğulayaraq sözlərini belə tamamlayıb: “Əgər Rusiyanın bu hücumlarına yüz faiz qarşı dura bilsək, Putinin terrorunun heç bir mənası qalmayacaq. Hazırda bu onların üstünlüyüdür və Rusiya Federasiyası buna bel bağlayır. Biz bunu onların əlindən almalıyıq.”