Azərbaycan News Agency

Avstraliyanın Baş naziri Entoni Albanese Anım Günü münasibətilə yayımladığı mesajda Birinci Dünya müharibəsində silahların susmasından 108 il keçdiyini xatırladıb.

Albanese anım mərasimlərində keçirilən bir dəqiqəlik sükutun müharibənin yaratdığı əzabları və sülhə olan ümidi simvolizə etdiyini bildirib. O, müharibələrdə həyatını itirən əsgərləri, evlərinə qayıdanları və yaxınlarını itirən ailələri yad edib.

Albanese Avropanın böyük şəhərlərindən kiçik yaşayış məntəqələrinə qədər insanların anım mərasimlərində bir araya gəldiyini qeyd edib. O, 1918-ci ildə Qərb cəbhəsində sükutu pozan ilk səsin bir quşun nəğməsi olduğunu bildirib.

Albanese müharibələrdə həyatını itirənlərin xatirəsinin gələcək nəsillər tərəfindən də yaşadılmasının vacibliyini vurğulayaraq "Unutmayaq" mesajını verib.