Azərbaycan News Agency

İsveçin Baş naziri Ulf Kristersson Kopenhagendə Ukrayna Prezidenti Volodimir Zelenski və Şimali Avropa ölkələrinin liderləri ilə görüşərək Əbu-Dabidə keçirilən sülh danışıqlarını müzakirə edib.

Kristersson davamlı sülhə nail olmaq üçün Avropanın danışıqlara cəlb edilməsinin vacibliyini vurğulayıb. Rusiyanın müharibəni dayandıraraq danışıqlara başlaya biləcəyini bildirən Kristersson Moskvanın konstruktiv mövqe nümayiş etdirmədiyini iddia edib.

Kristersson İsveçin qış boyunca Ukraynaya dəstəyini davam etdirəcəyini açıqlayaraq Ukraynanın gələcəyi ilə bağlı qərarların xarici təzyiq olmadan qəbul edilməli olduğunu bildirib.