Azərbaycan News Agency

Xorvatiyanın xarici işlər naziri Qordan Qrliç Radman Xorvatiya hökumətinin Bosniya və Herseqovinanın Avro-Atlantik hədəflərini dəstəkləməyə davam etdiyini bildirib.

Radman Qərbi Balkanlarda sabitliyin, təhlükəsizliyin və Avropa perspektivinə sadiqliyin vacibliyinə diqqət çəkərək dialoqun, tərəfdaşlığın və islahat proseslərinin Bosniya və Herseqovinanın Avropa gələcəyi üçün əsas amillər olduğunu ifadə edib.

Radman Bosniya və Herseqovinanın Rəyasət Heyətinə keçirilən seçkiləri məmnunluqla qarşıladıqlarını bildirərək ölkənin seçki qanununun dəyişdirilməsinin və Dayton-Paris Sülh Sazişi ilə təminat altına alınmış xorvat xalqının hüquqlarının qorunmasının vacibliyini vurğulayıb.