Azərbaycan News Agency

Pakistanın Baş nazirinin müavini və xarici işlər naziri Məhəmməd İshaq Dar Kanadanın xarici işlər naziri Anita Anandı İslamabadda qəbul edib.

İki nazir Pakistan-Kanada ikitərəfli münasibətlərinin bütün aspektlərini müzakirə edib, həmçinin qarşılıqlı maraq doğuran regional və beynəlxalq məsələlər ətrafında fikir mübadiləsi aparıblar.

Anandın Pakistana səfəri onun vəzifəyə başladıqdan sonra ölkəyə ilk səfəri olub.

Bu səfər, həmçinin, son 20 ilə yaxın müddətdə Kanada xarici işlər nazirinin Pakistana həyata keçirdiyi ilk ikitərəfli səfər kimi qeydə alınıb.

Pakistan Xarici İşlər Nazirliyi səfərin Pakistan-Kanada münasibətlərində mühüm dönüş nöqtəsi olduğunu bildirərək, hər iki tərəfin ikitərəfli əməkdaşlığı daha da gücləndirmək əzmini vurğulayıb.