Azərbaycan News Agency

İsrailin müdafiə naziri İsrael Kats Qadınlar Forumunun nümayəndələri ilə görüşərək, müntəzəm hərbi xidmət keçən ailələrin İsrailin təhlükəsizliyi naminə ödədiyi bədəlləri və qarşılaşdıqları çətinlikləri dinləyib.

Kats bildirib ki, müntəzəm hərbçilər və onların ailələri ən ağır yükü daşıyırlar və onları təltif etmək məqsədilə hökumət qərarının qəbul olunması üçün təşəbbüs göstərəcək.

Kats əlavə edib ki, hərbçilərin və onların ailələrinin gündəlik həyatını dəstəkləmək və mövqelərini gücləndirmək üçün əlavə addımlar da davam etdirilir və vurğulayıb: "Biz onlara təşəkkürümüzü əməllərimizlə göstərməyə borcluyuq."