Azərbaycan News Agency

2026 Dünya Süni İntellekt Konfransı və Süni İntellekt üzrə Qlobal İdarəetmə Yüksək Səviyyəli Toplantısında iştirak edən Omar Yaghi Çin Media Qrupuna (CMG) eksklüziv müsahibə verib.

Omar Yaghi deyib: "Çin bir çox sahədə sürətlə irəliləyir və süni intellekt də çox sürətlə inkişaf edir. Məncə, süni intellektin necə inkişaf edəcəyini, cəmiyyətə, elm dünyasına və qlobal miqyasda həm müsbət, həm də mənfi təsirlər göstərə biləcəyini anlamalıyıq. Eyni zamanda, süni intellektin mənfi məqsədlər üçün də istifadə oluna biləcəyinin fərqində olmalıyıq."

Süni intellektin çox sürətlə inkişaf etdiyini vurğulayan Yaghi bildirib ki, bu texnologiya müxtəlif sahələrdə mənimsənilməlidir. O deyib: "Onu nə qədər çox mənimsəsək və onunla nə qədər çox məşğul olsaq, modellər bir o qədər yaxşı olacaq və həm öz sahələrimizə, həm də bəşəriyyətə daha çox fayda verəcəyik. Bu konfransda bu mövzu haqqında çox şey öyrəndim və bu, fikirlərimi daha da möhkəmləndirdi."