Azərbaycan News Agency

Fələstin Xarici İşlər və Diaspor Nazirliyi Hindistanın şimal və şimal-şərqində baş verən güclü yağışlar, sel və torpaq sürüşmələri nəticəsində həyatını itirənlərlə bağlı başsağlığı mesajı yayımlayıb.

Nazirliyin açıqlamasında baş verən təbii fəlakət nəticəsində çoxsaylı insanın həyatını itirməsi və yaralanması ilə əlaqədar dost Hindistan Respublikasının hökumətinə və xalqına ən səmimi başsağlığı ifadə olunub.

Açıqlamada həyatını itirənlərin ailələrinə dərin hüznlə başsağlığı verilib, yaralananlara isə tezliklə sağalmaları arzulanıb.

Fələstin rəhbərliyi Hindistan xalqının bu çətin dövrü həmrəylik içində geridə qoyacağına inandığını da bildirib.

Fələstin Xarici İşlər Nazirliyi həmçinin bu çətin dövrdə Hindistanın yanında olduğunu vurğulayaraq, aidiyyəti qurumların fəlakətin nəticələrini nəzarət altına alacağına, zərəri minimuma endirəcəyinə və zərər çəkmiş bölgələrin ən qısa zamanda normal həyata qayıdacağına inandığını ifadə edib.