Azərbaycan News Agency

İsrail Müdafiə Qüvvələri (IDF) Beyrut və Cənubi Livandakı əməliyyatlarla bağlı açıqlama verib.

Açıqlamada bildirilib ki, Hizbullahın baş katibi Nəim Qasımın şəxsi katibi Əli Yusuf Harrusi Beyrutda keçirilən əməliyyat nəticəsində zərərsizləşdirilib.

Harrusinin Hizbullah liderinə yaxın şəxs olduğu və təşkilat daxilində məsləhət və koordinasiya vəzifələrini yerinə yetirdiyi qeyd olunub.

IDF gecə ərzində Livanda Hizbullah tərəfindən istifadə olunan keçid nöqtələrinin hədəfə alındığını bildirərək, “Litani çayı xəttində döyüşçülərin keçid üçün istifadə etdiyi iki əsas nöqtə vuruldu” ifadəsini işlədib.

Açıqlamada həmçinin Cənubi Livanda Hizbullaha məxsus olduğu bildirilən təxminən 10 silah anbarı, raket buraxılış qurğuları və qərargahın hədəfə alındığı qeyd edilib.