Azərbaycan News Agency

Avropa İttifaqının xarici işlər və təhlükəsizlik siyasəti üzrə ali nümayəndəsi Kaja Kallas Yaxın Şərqdəki hadisələrlə bağlı açıqlama verib.

Kallas deyib: “Hizbullah Livanı müharibəyə sürüklədi, lakin İsrailin özünü müdafiə hüququ bu miqyasda dağıntını əsaslandırmır.”

İsrailin son hücumlarına toxunan Kallas bildirib: “İsrailin hücumları ötən gecə yüzlərlə insanın ölümünə səbəb olub və belə sərt müdaxilələri özünümüdafiə çərçivəsində qiymətləndirmək çətindir.”

Atəşkəs prosesinə diqqət çəkən Kallas deyib: “İsrailin hərəkətləri ABŞ-İran atəşkəsi üzərində ciddi təzyiq yaradır. Atəşkəs Livanı da əhatə edəcək şəkildə genişləndirilməlidir.”

Kallas əlavə edib: “Hizbullah silahsızlaşdırılmalıdır. Avropa İttifaqı bu istiqamətdə Livanın səylərini dəstəkləyir.”