Azərbaycan News Agency

Pakistanın Baş nazirinin müavini və xarici işlər naziri Məhəmməd İshaq Dar ilə Özbəkistanın xarici işlər naziri Baxtiyor Saidov telefon danışığı aparıb.

Pakistan Xarici İşlər Nazirliyinin açıqlamasına görə, görüşdə Yaxın Şərq və ətraf bölgələrdəki son hadisələr müzakirə olunub.

Açıqlamada bildirilib ki, Saidov Pakistanın sülh və sabitlik istiqamətindəki təşəbbüslərini yüksək qiymətləndirərək deyib: “Özbəkistan Pakistanın həyata keçirdiyi bütün təşəbbüsləri, o cümlədən iki həftəlik atəşkəs prosesinin təmin edilməsini tam dəstəkləyir.”

Tərəflərin həmçinin “davam edən təmasların regionda və ondan kənarda davamlı sülh və sabitliyi təşviq edəcəyinə” dair ortaq ümid ifadə etdikləri qeyd olunub.