Azərbaycan News Agency

Avropa Komissiyasının Prezidenti Ursula fon der Leyen Münhen Təhlükəsizlik Konfransında (MSC 2026) çıxışı zamanı Birləşmiş Krallıq ilə münasibətlərin gələcəyinə dair açıqlama verib.

Təhlükəsizlik və iqtisadiyyat kimi kritik sahələrdə yaxınlaşmanın zəruri olduğunu bildirən fon der Leyen deyib: “Avropa və Birləşmiş Krallıq təhlükəsizlik, iqtisadiyyat və demokratiyalarımızın müdafiəsi məsələlərində daha da yaxınlaşmalıdır. Brexit-dən on il keçib və gələcəyimiz heç vaxt olmadığı qədər bir-biri ilə bağlıdır.”

Ortaq dəyərlərin qorunması üçün əməkdaşlığın vacibliyini vurğulayan fon der Leyen sözlərini belə tamamlayıb: “Buna görə də tərəfdaşlığımızda iddialı olmaq hamımızın maraqlarına uyğundur.”