Azərbaycan News Agency

Litvanın xarici işlər naziri Kestutis Budris Estoniyanın Diplomatik Xidmət Günü münasibətilə ölkənin paytaxtı Tallinə səfər edib.

Estoniyalı həmkarı Marqus Tsahkna ilə görüşmək üçün Tallinə gəldiyini bildirən Budris onu və Estoniyanın diplomatik xidmətinin əməkdaşlarını peşə bayramları münasibətilə təbrik edib.

Budris görüşdə Baltik dənizinin təhlükəsizliyi, Ukraynaya göstərilən dəstəyin gücləndirilməsi və Litvanın Avropa İttifaqı Şurasına qarşıdakı sədrliyi çərçivəsində prioritetlərin müzakirə ediləcəyini qeyd edib.

Avropanın daha çox təhlükəsizliyə, dayanıqlılığa və güclü liderliyə ehtiyacı olduğunu vurğulayan Budris Baltik ölkələrinin ortaq mövqeyinin daha güclü, təhlükəsiz və birlik içində olan Avropanın formalaşmasına töhfə verəcəyini bildirib.

Budris “Gücümüz birliyimizdədir” mesajını paylaşıb.