Azərbaycan News Agency

İsrailin baş naziri Netanyahu İranda davam edən etirazları yaxından izlədiklərini bildirib.

Azadlıq tələbi ilə keçirilən nümayişlərin ölkə boyu yayıldığını qeyd edən Netanyahu, İran vətəndaşlarının göstərdiyi cəsarətin dünya ictimaiyyəti tərəfindən böyük hörmətlə qarşılandığını deyib.

İsrailin İran xalqının azadlıq mübarizəsini dəstəklədiyini vurğulayan Netanyahu, günahsız mülki şəxslərin hədəf alınmasını qəti şəkildə pislədiklərini bildirib.

Netanyahu İran xalqının zülmdən xilas olacağı bir gələcəyə ümid edildiyini və bu prosesin sonunda İsrail ilə İran arasında yenidən əməkdaşlığa əsaslanan bir dövrün başlaya biləcəyini qeyd edib.